» » У сярэдняй школе №2 арганізавана навучанне на беларускай мове
Информация к новости
  • Просмотров: 76
  • Автор: admin
  • Дата: 23-09-2019, 12:39
23-09-2019, 12:39

У сярэдняй школе №2 арганізавана навучанне на беларускай мове

Категория: НОВОСТИ

У сярэдняй школе №2 арганізавана навучанне на беларускай мове


Якой павінна быць сучасная школа? Чаму яна павінна навучыць? Ці толькі навучыць? Гэтыя пытанні турбуюць, напэўна, усіх: бацькоў, настаўнікаў, вучняў.
Кожная ўстанова адукацыі сёння ставіць сваёй мэтай забяспечыць, па магчымасці, усе запатрабаванні вучняў і іх бацькоў, прапануючы розныя формы навучання. Наша ўстанова адукацыі, “Сярэдняя школа №2 г. Масты”, – не выключэнне. Другі год у школе дзейнічае спецыялізаваны па спорце клас. Арганізавана профільнае навучанне для вучняў не толькі ІІІ, але і некалькіх класаў ІІ ступені. Навучэнцы дзясятых класаў, якія вывучаюць усе прадметы на базавым узроўні, забяспечаны працоўным (прафесіянальным) навучаннем. На падставе заяў законных прадстаўнікоў школьнікаў у кожным класе арганізаваны факультатыўныя заняткі. Дзейнічаюць аб’яднанні па інтарэсах, дадатковыя адукацыйныя паслугі.

Аддаючы сваіх дзяцей у школу, бацькі маюць права выбару мовы навучання. Менавіта па жаданню бацькоў у адным з першых класаў нашай установы адукацыі ў цяперашнім навучальным годзе арганізавана навучанне на беларускай мове. Дзмітрый Паўлавіч Булак – адзін з бацькоў вучняў беларускамоўнага класа – свой выбар тлумачыць так: “Родная мова – гэта наша спадчына. Дзякуючы нашым дзецям і мы атрымаем магчымасць дакрануцца да яе.”

Вучнямі 1 “В” класа з вывучэннем усіх прадметаў на беларускай мове сталі 8 хлопчыкаў і дзяўчынак. Некаторыя з іх наведвалі беларускамоўныя групы ва ўстановах дашкольнай адукацыі, для іншых – гэта першая цесная сустрэча з роднай мовай.

З даверам глядзяць першакласнікі на сваю настаўніцу. Уважліва і з непадробнай цікавасцю прыслухоўваюцца да кожнага яе слова. А з настаўнікам 1 “В” класу пашанцавала. Вера Міхайлаўна Бялайц – адзін з найбольш вопытных педагогаў пачатковых класаў нашай установы адукацыі.

Хочацца выказаць упэўненасць, што навучанне ў беларускамоўным класе не толькі дасць вучням магчымасць больш дасканала ведаць родную мову, але і па-сапраўднаму шчыра, з павагай адносіцца да гісторыі і культуры свайго народа, выхавае сапраўдных патрыётаў, актыўных грамадзян сваёй краіны.


Ссылка на оригиналскачать dle 10.3форекс портал для начинающих / бинарные опционы
Уважаемый посетитель, Вы зашли на сайт как незарегистрированный пользователь.
Мы рекомендуем Вам зарегистрироваться либо войти на сайт под своим именем.

Мы в социальных сетях:

^